Contents -BIBLIOGRAPHIC RECORD

St. John Lucas, comp. (1879–1934). The Oxford Book of French Verse. 1920.

Joachim Du Bellay 1525–†1560

80. Sonnets

vii

JE ne te conteray de Boulongne, et Venise,

De Padoue, et Ferrare, et de Milan encor’,

De Naples, de Florence, et lesquelles sont or’

Meilleures pour la guerre, ou pour la marchandise:

Je te raconteray du siege de l’Eglise,

Qui fait d’oysiveté son plus riche tresor,

Et qui dessous l’orgueil de trois couronnes d’or

Couve l’ambition, la haine, et la feintise:

Je te diray qu’icy le bon heur, et malheur,

Le vice, la vertu, le plaisir, la douleur,

La science honorable, et l’ignorance abonde.

Bref, je diray qu’icy, comme en ce vieil Chaos,

Se trouve (Peletier) confusément enclos

Tout ce qu’on void de bien et de mal en ce monde.